रामेछाप । नेपाली काङ्ग्रेसका पूर्व महामन्त्री डाक्टर शशाङ्क कोइरालाले अहिलेको परिवेशमा कांग्रेस पार्टी चलाउने शैलीमा परिवर्तन आवश्यक भएको बताएका छन् । रामेछापमा आइतबार आयोजित कार्यकर्ता भेटघाट कार्यक्रममा बोल्दै उनले  १५ औँ महाधिवेशनबाट कांग्रेसको नेतृत्व आफूले पाएमा फरक ढङ्गले पार्टी सञ्चालन गर्ने योजना रहेको सुनाए । ' तपाईँहरूको आग्रह जायज छ, सोही अनुसार म नेतृत्वका लागि अघि बढ्छु । सभापति बनेर अहिले भन्दा भिन्न ढङ्गले पार्टी चलाउने  मेरो योजना छ', उनले भने  कार्यक्रममा जिल्ला सभापति कान्छाराम तामाङ , पूर्व सभापति रामचन्द्र खड्का , रामेछाप नगरपालिकाका प्रमुख लवश्री न्यौपाने लगायतको उपस्थिति थियो ।