काठमाडौँ । नेपाली कांग्रेसकी सांसद ईश्वरीदेवी न्यौपानेले सरकारकै निर्देशनमा कम्पनीमा दर्ता गरिएका निजी स्कुललाई फेरि गुठीमा लैजाने एवम् गैर नाफामूलक बनाउने तयारी संविधान विपरीत रहेको बताएकी छन् ।प्रतिनिधिसभाको बिहीबारको बैठकमा बोल्दै सांसद न्यौपानेले सरकारको यस्तो तयारी र निर्णयले राम्रो शिक्षा पाइरहेका विद्यार्थी निराश बनेको र स्कुल सञ्चालकको मनोबल घटेको बताइन् ।  सरकारकै निर्देशनमा कम्पनीमा दर्ता गरिएका निजी स्कुललाई फेरि गुठीमा लैजाने एवं गैर नाफामूलक बनाउने तयारी संविधान विपरीत छ । यस्ता निर्णयले निजी स्कुलमा लगानीकर्ताको मनोबल घटेको छ । राम्रो शिक्षा पाइरहेका विद्यार्थी पनि निराश छन्,’ सांसद न्यौपानेले भनिन् । ।