काठमाडौँ । राष्ट्रिय स्वतन्त्र पार्टी (रास्वपा) ले नेकपा एमालेको पार्टी कार्यालयको भ्रमण गरेको छ । बिहीबार रास्वपाका महामन्त्री डा. मुकुल ढकाल नेतृत्वको टोली ललितपुरको च्यासलस्थित एमालेको पार्टी कार्यालय भ्रमणमा पुगेको हो । राजनीतिक दलको आन्तरिक प्रशासन एवं व्यवस्थापनका बारेमा ढकालको टोलीले एमालेको केन्द्रीय कार्यालयमा आपसी अध्ययन भ्रमण गरेको रास्वापाले जनाएको छ ।महामन्त्री डा। मुकुलको टोलीमा पार्टी केन्द्रीय प्रशिक्षण विभाग सचिव कमल सुवेदी तथा कर्मचारीहरू शुभराज शिल्पकार, सेनु लामा लगायतको सहभागिता थियो ।